إنسان: هو إنتى ليه بعيدة كده

هو إنتى ليه بعيدة كده .. ومستحيلة بالشكل ده .. فرحة حياتى ومرها .. أيامى بيكى عشتها
إنتى الحقيقة فى دنيتى .. وإنتى إللى دوبت فى حبها .. بقدر على الناس كلها .. وببقى قدامك ضعيف
وبتعندى .. وأنا أدوب ندا .. قلبى على كفى إفتحيه .. هتلاقى صورتك ساكنة فيه .. حتى وأنا فى قلبى المرار
مبشوفش غيرك ليل نهار .. يا وردة مغسولة بندى .. صافية ورقيقة وطيبة .. وبعيدة وإنتى قريبة
يا محيرة كل القلوب .. بكتب غرامك على الدروب .. وأرسم ملامحك على المدى
هو إنتى ليه بعيدة كده
بصحى على صورتك وأنام .. وألقاكى ينسانى الكلام .. وأرسم أمل يبقى سراب .. وأحلم بفرح ألقاه عذاب
وأنده يجاوبنى الصدى .. عاشق أنا قلبى عنيد .. ومصيرى هوصلك أكيد .. وألقاكى يا قمرى البرئ
لو حتى راح يخلص طريق .. وألقى طريق غيره إبتدى
هو إنتى ليه بعيدة كده .. ومستحيلة بالشكل ده

كان ليا زمان حبيبة

كان ليا زمان حبيبة
حبيتها وعشت ليها
وكانت أغلى عندى
من الدنيا واللى فيها
عيونها فيها طيبة
ودمعتها قريبة
ياريت تتلاقى تانى
وأحضنها بعد غيبة
أيام غالية عليا
راحت ماعدتش جاية
سابتنى أعيش حياتى
والدمع مالى عنيا
قدام عنيا هيا
ساعة فراقها ليا
قالتلى ياريت بإيدى
وإياك تبكى عليا
خليك دايما فاكرنى
روحك متغبش عنى
قولتلها يا حب عمرى
إنتى فى روحى وعنيا

إنسان

هو إنتى ليه بعيدة كده

0 التعليقات:

كان ليا زمان حبيبة

المؤسسين

الأرشيف